غمزلي وقالي محلوهـ .. يا حظ اللي يحبونكـ
غريبه كيف ما يدري عن إحساسي وحبي له
يقولي كاشخه و شعندكـ ؟ في قلبي قلت لعيونكـ
سرحت بعيد ونـاداني وأنا والله فكري له
سألني منهو محبوبكـ .. وقالي شفته بعيونـكـ
فرحت وقلت له احلف .. قال امزح .. عزتي له
حسبت انه درى عني .. هقيتـه قالي عيونـكـ
طلع مايدري شو الموضوع و انا ألمّح وأنادي له
سألته قلتله بسألكـ .. من اللي عايش بكونكـ ؟
من اللي تحبه ويحبكـ ؟ من اللي تسهرهـ ليله ؟
بغيته يقولي انتي .. بغيته يقول مجنونـكـ
ولكن قالي ..مــحــد .. على نيـاته يحليله
ضحكت ضحكة تعاسه وقلت له يا حظ مظنونكـ
قالي لااا ... دخيليكـ ماني ناقص هم واشيله
قلت شوف حولكـ .. يمكن تشوف اللي يحبونكـ
تلفت .. قالي .. مـحـد .. وانا اللي قاعده اشكيله !
الأربعاء يوليو 02, 2008 4:02 pm
